బాలీవుడ్ నటి కరీనా కపూర్‌కు విశ్వహిందూ పరిషత్ నేతలు ఓ ఉచిత సలహా ఇచ్చారు. వీహెచ్‌పీ ఆధ్వర్యంలో ప్రచురితమయ్యే మహిళా మ్యాగజైన్ కవర్ పేజీపై కరీనా చిత్రాన్ని మార్ఫింగ్ చేసి ప్రచురించడం వివాదం కావడంతో ఈ సలహా ఇచ్చారు.
'లవ్ జిహాద్' అంటూ హిందూ యువతులను ప్రేమిస్తున్నానని చెప్పి పెళ్లి చేసుకొని మతం మార్చుకునేలా కొందరు ముస్లింలు ఒత్తిడి తెస్తున్నారని ఆరోపిస్తూ, తాజా సంచికలో ముఖ చిత్రంగా కరీనాను చూపింది. కరీనా కపూర్ వివాహం సైఫ్ అలీ ఖాన్‌తో జరుగగా, ఆపై కరీనా తన పేరును కరీనా కపూర్ ఖాన్‌గా మార్చుకున్న సంగతి తెలిసిందే. ఈ ముఖ చిత్రంలో కరీనా సగం ముఖంపై బురఖా ఉన్నట్టు చూపారు. దాని కింద 'ధర్మాందరన్ సే రాష్ట్రాంతరన్' అని కాప్షన్ ఇచ్చారు. దీనిపై కరీనా మాత్రం ఇంకా స్పందించలేదు.
*** for More Updates Click Here
